తెలంగాణకు కాబోయే సీఎం బీసీ ప్రకటనపై హర్షం

శభాష్ మహేష్ గౌడన్న

••• బీఆర్ఎస్, బీజేపీలు కూడా బీసీ సీఎం అంశంపై తమ వైఖరిని బహిరంగంగా ప్రకటించాలి

•••• రెండు గ్రాడ్యుయేట్ ఎమ్మెల్సీ స్థానాల్లో ఒకటి బీసీలకు కేటాయించాలి

•••• స్థానిక సంస్థలు, పార్టీ పదవుల్లో బీసీలకు ప్రాధాన్యత కల్పించాలి

-జాతీయ బీసీ కార్యవర్గ సభ్యుడు కందుకూరి రాజ్‌కుమార్ 

మీ న్యూస్ ప్రతినిధి తాండూర్:::శంషాబాద్ బహిరంగ సభలో తెలంగాణకు కాబోయే సీఎం బీసీ అని టీపీసీసీ అధ్యక్షుడు మహేష్‌కుమార్ గౌడ్ చేసిన ప్రకటనను తాండూర్ నియోజకవర్గ బీసీ సంఘం నాయకులు స్వాగతించారు.ఈ సందర్భంగా కందుకూరి రాజ్‌కుమార్ మాట్లాడుతూ మహేష్‌కుమార్ గౌడ్ తన ప్రకటనకు కట్టుబడి కాంగ్రెస్ జాతీయ నాయకత్వాన్ని కూడా ఒప్పించాలని, కాంగ్రెస్‌లోని అన్ని వర్గాల నాయకులు బీసీ సీఎం అంశానికి మద్దతు ఇవ్వాలని కోరారు.బీఆర్ఎస్, బీజేపీలు కూడా బీసీ ముఖ్యమంత్రి అంశంపై తమ వైఖరిని వెంటనే బహిరంగంగా ప్రకటించాలని డిమాండ్ చేశారు.అలాగే రెండు గ్రాడ్యుయేట్ ఎమ్మెల్సీ స్థానాల్లో కనీసం ఒక స్థానాన్ని బీసీ అభ్యర్థికి కేటాయించాలని కోరారు.అదేవిధంగా స్థానిక సంస్థలు, పార్టీ పదవులు, నామినేటెడ్ పోస్టుల్లో బీసీలకు జనాభా ప్రాతిపదికన ప్రాధాన్యత కల్పించాలని, బీసీలకు రాజకీయంగా సముచిత ప్రాతినిధ్యం దక్కేలా చర్యలు తీసుకోవాలని మహేష్‌కుమార్ గౌడ్‌ను కోరారు.ఈ కార్యక్రమంలో రాష్ట్ర నాయకులు సయ్యద్ షుకూర్, వడ్డెర సంఘం జిల్లా అధ్యక్షులు వడ్డే సత్యనారాయణ, జిల్లా నాయకులు గడ్డం వెంకటేష్, మహిళా సంఘం ప్రతినిధులు మంజుల, నరసమ్మ, విజయలక్ష్మి, అనిత, మండలాల అధ్యక్షులు నరేందర్, లక్ష్మణ్ చారి, శ్రవణ్ కుమార్, నాయి బ్రాహ్మణ సమాజం నాయకులు పరమేష్, బీసీ సంఘం నాయకులు రాము ముదిరాజ్, మంతటి రాజు, బసవరాజ్, జోసెఫ్, భరత్ గౌడ్, కిరణ్, వినయ్ తదితరులు పాల్గొన్నారు.